Boka presenterer ti kraftfulle dikt frå kvar av forfattarens seks lyrikksamlingar, gjennom ulike livsfasar. Me møter tidlause dikt om det å vera menneske, å gripa augneblinken og å leva for og med andre. Samstundes er det mange varierte stemningsbilete, innsikter og erfaringar å ta med seg - som både gledar og overraskar. Vidare har boka dikt som i vakre språkuttrykk syner naturens skiftingar. Lesaren får bli med inn i naturbileta gjennom eit klangfullt og malande språk. Boka byr og på utfordrande sanningssøkande dikt som får lesaren til å stoppa opp og fryda seg over innsikter og ord ein sjølv kanskje har leita etter. Som ein fakkel er blitt ei brennande vakker bok, som titteldiktet seier: (...) skal eg skina som ein fakkel / gjennom deg... Med etterord av Johannes Gjerdåker (kritikarprisen 2005), er denne nyutgjevinga sterk både litterært og språkleg.