Dette er første lydbok om Den vesle bjørnen, kjend frå teiknefilmene på NRK barne-tv. Hildegun Riises stemme frå TV har blitt kjennemerket til desse sjarmerande historiene for barn heilt ned til 2 år. "Med tigeren og bjørnen til Panama" er Hildegun Riises eige favorittbok frå barndommen. Seks forteljingar om dei to gode vennene samla i ei lydbok. Den vesle bjørnen og den vesle tigeren er ikkje redde for noko, for saman er dei sterke. "Til Panama, til Panama!" I denne forteljinga får du høyre om korleis det går når den vesle tigeren og den vesle bjørnen legg ut på ei reise til Panama. "Kom, la oss finne ein skatt" Den vesle bjørnen og den vesle tigeren leitar etter den største lykken på jord. "Tigerpost" Den vesle bjørnen og den vesle tigeren finn opp brevposten, luftposten og telefonen. "Eg skal gjere deg frisk, sa bjørnen" Dette er ei forteljing om da den vesle tigeren var sjuk. "God dag, vesle gris" handlar om da den vesle tigeren ikkje kom heim att meir. "Tigeren har fødselsdag er om den gongen den vesle tigeren hadde fødselsdagsselskap."