Girjjis leat 11 balddonasmuitalusa mat heivejit nuoraide ja buohkaide geat dustet lohkat imáslas fearániid. Dás leat moadde máisttanasa makkárat balddonasat sáhttet leat; Ráimmahallan muitalusas de Lávrans bilkida jápmán olbmo hávddis láddjedettiin ja hástala su boahtit alcces juhkanolmmájin. Nabat de ihkku go galgá nohkkat, gii boahtáge guossái? Eará muitalusas de sáhttá niehku muitalit ja rávvet, muhtomin boahtteáiggi ovdosii, nugo iezan niegus mas mun lahkonisgohten johk`gátti. Oidnen eará vel joga botnis mii nu vielgái. Mun gávdnen olbmo dávttiid mat ledje cadnon gitta ruovdevirjjiguin stuora geadgái joga bodnái. Moadde mánu mannil deaivvadin albmáin gii ii háliidan muinne buori. Bijahallan olbmot muitalusas imastit luomecoaggit manin sin áragedggiide leat cullojuvvon ruossat. Ihkku vuolgá okta sis geahcadit geadgegubá ja gávdná dolos veaikegievnni. Ii lean sis sat ráfi ovdal go fas máhcahedje gievnni dan vuoinnadansadjái. Rievssat muitalusas cakkadisgodii rievssat olbmo, iige luoitte su vázzilit ruoktot. Son gullá amas rosvvuid boahtimin iezas ruoktot, muhto ies gal lea jávkkohagas, ja iige gávnnahala go rievssat gusto lei su gádjumin. Speajal muitalusas leaba nieiddaguovttos fuobmán somá dihtii gonstosit ja áiguba geahccat speadjalii gaskaija áiggi, vai oaidniba iezaska boahtteáiggi. Muhto Mia dusse cohkkái das, áibbas soavkat, calmmit visot ruvssodan. Mia ii sáhttán muitalit maid doppe oinnii vaikko vel vikkaige ja orro dego amas fámut hehttejedje su muitaleamis.