Dei seks romanane i den veldige ættesoga om juvikingane har med rette vore kalla for ei indre Noregshistorie gjennom 2-300 år. Duun vil, som hovudpersonen Odin Setran, syne fram folke som kjem stomlande hit gjenom gammaltida og mørkre og har berre svartmakter rundan i kring seg, og han vil syne korleis menneske veks og mognast frå primitiv sjølvhevding og egoisme, for gjennom vilje til samliv og samfunn å nå fram til aktiv humanisme og omsut for andre - slik at Odin i siste bandet av Juvikfolke reddar godbiten i seg ved å ofre livet for sin argaste fiende.