Dette er den femte boka til Halvor Ulvenes i serien "Historier om dåd og udåd fortalt i Varden" med lokalhistoriske artiklar som starta i Varden i 2015. Halvor Ulvenes har skrive artiklane, og den fyrste boka kom i 2018. I 2017 fekk Halvor Ulvenes journalistprisen av Telemark Journalistlag for denne lokalhistoriske serien. Nesten kvar veke har folk i Telemark hatt ein rikt illustrert artikkel å gle seg til, og historiene spenner frå drap og udåd til bragder og storhendingar som prega samtida i fylket vårt. Halvor Ulvenes (f. 1955) skreiv sin fyrste artikkel i Varden i 1974, men har vore fast tilsett journalist sidan 1987. Før han kom til Varden, var Halvor journalist i Norges Industri og sju år i Økonomisk Rapport.