Oppdag det unike plantelivet langs Jærstrendene Frå Tungenes i nord til Sirevåg i sør finn vi dei lengste og flottaste strendene i landet med sand og rullestein. Desse strendene har eit uvanleg rikt og særprega planteliv på grunn av gunstige klimatiske forhold. Boka «Blømande Jærstrender» er meint som ei innføring i plantene som veks her og deira livsgrunnlag. Det er omtale av 210 blomar med spesiell vekt på biletmaterialet der plantene blir presentert slik ein møter dei langs strendene. Med denne boka i sekken blir det lettare å finna ut kva blomar ein ser på turen. Boka er laga som ei oppslagsbok eller flora for dei mange naturinteresserte som ferdast i området, og som ei i blomsterbok for dei som vil vandra langs strendene gjennom boka.