Året er 923. Skosveinen Asgeir Åsason får vere med kong Eirik Blodøks på ferda til Bjarmeland for å utvide kongemakta si nordover. Lite veit dei om at kong Halvdan Svarte i Nidaros hyrer berserken og kvinnerøvaren Steinar Grimsson til å ta livet av halvbroren Eirik Blodøks, som skal bli overkonge i landet. Men alt går ikkje etter planen. Asgeir Åsason får avgjerande innverknad på dei dramatiske kampane om rikdom og posisjon mellom sønene til Harald Hårfagre. Dette er andre boka i serien "Odins smykke" om Asgeir Åsason. Han veit ikkje kven faren er, men av vismannen Tormod Frode har han fått vite at han er ein direkte etterkommar etter guden Odin. Dette må Asgeir halde for seg sjølv, til tida er inne.