Året er 961.Den unge Gudrød Gudrødson på Fitjar er 13 år og soneson til Eirik Blodsøks. Det blir venta av han at han skal bli høvding og vinna rikdom, makt og ære. Frå mor si har Gudrød arva evna til å forma i leire og skjera i tre, og morfaren, Håvard Hardskalle, har lært han å ha respekt for andres arbeid og eigedom. Derfor kjenner Gudrød seg som ei brikke som blir dregen mellom farsætta og morsætta. Og kvifor vil mormor Hallgjerd så gjerne at han skal dra i vesterveg? Ho ber på ein løyndom. Kva er det ho vil han skal finne? Då Gudrød seglar ut, står ungjenta Ingeleiv att på berget og vinkar. Gudrød har gjeve henne ein vakker leirfugl som han sjølv har laga, og Ingeleiv har lova å vente på han. Men ei ulykke ser ut til å ta livet hennar. Frå 9 år.