«Det regnar når ho vaknar, det er hardt regn mot vindauga, ho ligg i senga og høyrer det og sjølv om klokka allereie er mykje snur ho seg med andletet inn mot veggen og prøver å sovna att. Ho er tung i hovudet. Det er varmt oppe på hemsen. Den vesle varmen frå den elektriske ovnen ved vindauget stig opp til henne der ho ligg. Nede på golvet er det isande kaldt. No sovnar Maria. Når ho vaknar regnar det ikkje lenger.» Det handlar om Maria. Ho er student og bur på ein liten hybel i ein stor by. Ein dag ser ho ei jente som er heilt lik henne sjølv, ei jente som går rundt i gatene, stoppar opp framfor ei grøn tredør og bankar på. Maria bestemmer seg for å banka på den grøne døra "I dag er ein fin dag" gir ei nær og klar skildring av Maria, av augneblink og erfaringer som utgjer Maria sitt liv.