Filosofar og tenkarar har opp gjennom tida gitt uttrykk for ulike syn på barn, oppseding og danning og skapt eit grunnlag for dagens barnehagepedagogikk. Denne boka gir ei innføring i sentrale emne innan barnehagepedagogikk og viser til nokre av grunnleggarane på feltet. Pedagogikkfaget har i seg element frå tradisjonar innan til dømes psykologi, sosiologi og filosofi. I første delen av boka er ein gjennomgang av nokre av dei tenkjarane som har betydd mest for barnehagepedagogikken. I siste delen av boka drøftar forfattarane sentrale spørsmål om omsorg og barns leik, læring og danning, med særleg ansvar for å ta vare på profesjonsperspektivet. Boka har relevans for barnehagekvardagen i både notid og framtid og viser dei ulike forgreiningane innan barnehagepedagogikken. Åse Nylenna Akslen og Randi Moe er førstelektorar ved Høgskulen på Vestlandet og underviser i barnehagelærarutdanninga.