All kunnskapen vi har i dag, kjem av at nokon har stilt spørsmål og undra seg over verda rundt seg. I Undrelaboratoriet snur vi kompetansemåla i læreplanen til forskingsspørsmål. Her får du bruke nysgjerrigheita di som ei drivkraft til å finne ny kunnskap, med utgangspunkt i forskingsspørsmål som angår deg. Er du nysgjerrig på programmering? Lurer du på kvifor vi treng insekt på jorda? Har du nokon gong kjent at det har kribla litt ekstra i kroppen i nærleiken av ein spesiell person? I denne boka skal du få lære meir om kva som skjer i kroppen når vi blir forelska. Du skal forske på insekt, kjemiske blandingar og lære deg kodespråk. Og ikkje minst: Du får undre deg og undersøkje problemstillingar saman med andre. I Undrelaboratoriet oppmuntrar vi deg til å ta vare på nysgjerrigheita di, og halde fram med å stille spørsmål om verda rundt deg.