I nokre sommarveker ligg Oslogryta på kokepunktet og vinden er søkk borte. Pianostemmaren Henry Moan er godt vaksen og heile livet har han budd i den same bygarden i Thereses gate. Han har brukt talentet sitt til å gjere amatørar gode og til å la virtuosar skinne. Ein dag døyr sjefen og Henry innser at ein livslang draum om å bryte opp og flytte til Salzburg er innan rekkjevidde. Han skal berre avvikle pianobutikken, besøke epleskrotten av ei mor, få greie på kva som eigentleg skjedde med Slampen, ta seg av undulaten Louis, bli sjukemeldt, unngå å verte forelska, bli friskmeldt, spreie sjefens oske utover Oslo, halde avtalen med Konserthuset varm, nippe til ein whisky av beste sort i Bar Noir, bli klok på Frk. Sanner og ikkje minst få seg ei god natts søvn på så lengje han kan hugse. Sommar i Thereses gate er ein liten film frå Bislet, fylt av musikk. Sommar i Thereses gate er ein liten roman om dei som gjerne lev eit heilt liv utan å bli sett.