Sterk kortroman om erotisk oppvakning og kjærleikssorg. I år er det 100 år sidan Unica Zürn blei fødd, og med denne utgivinga blir Zürn for første gong tilgjengeleg på norsk. Mørk vår handlar om ei jente som veks opp i mellomkrigstidas Berlin med ein fråverande far og eit anstrengt forhold til mor si. Ei rekkje brutale hendingar fører til at barndommen får ein tidleg slutt. Fantasien blir det einaste vernet jenta har mot ein vanskeleg røyndom, som mellom anna omfattar ein incestuøs storebror og ei håplaus forelsking i ein framand ung mann. Mørk vår er omsett frå tysk av Runa Kvalsund. Illustrasjonane i boka er laga av Hans Bellmer, og Olga Ravn har skrive etterordet.