Sogn og Fjordane har sidan 1874 hatt eit rikt tilfang av bygdeblad og byaviser. Av dei åtte som er att, har Fjordabladet på Nordfjordeid vore med frå starten. Denne boka skildrar soga om avisfylket Sogn og Fjordane gjennom 135 år. Det er ei spennande soge som famnar 16 utgjevarstader, meir enn 50 aviser, innpå 200 redaktørar og dei fleste sidene ved partipolitikken. Dei politiske partia hadde stor påverknad dei første vel 100 åra. I dag er det dei store mediekonserna som rår. Det er verdt å merke seg at nynorsken er så godt som einerådande, i tekst som i lysingar. Avisene speglar samfunnet, denne boka fortel såleis også soga om moderniseringa av Sogn og Fjordane.